首页 > 技巧 > 竞技彩技巧

利華進取「讓球」勝有計

2012-12-25 13:02:45

要玩讓球主客和,唔可以唔實史浩克04同利華古遜。其中史浩克成日僅勝,上季二十場勝仗,有十三場都僅贏對手一粒,捧「讓球」和實在好路;而利華古遜就唔同,十六場勝仗中,有十二場都贏兩粒或以上,玩「讓球」勝最。   「魚生粥」童叟無欺 

史浩克實力強勁,去季更取得聯賽亞軍,但贏親波都非常小家,最鍾意煲「魚生粥」僅勝。去季廿場勝仗中,有十三場都開「讓球」和,比率高達百分之六十五。史浩克雖然攻力唔錯,但後防就僅屬一般,成日輸埋冤枉波,力追之後僅勝對手。佢無論贏拜仁、史特加呢強隊,抑或波琴、慕遜加柏呢弱旅,都係一粒,睇到佢一視同仁、童叟無欺。 利華古遜風格卻截然不同,佢一係唔贏,一贏就會贏夠兩粒或以上,上季贏十六場,其中十二場都開「讓球」勝,比率高達百分之七十五,如果認為利華會贏,捧「讓球」勝更加抵玩。係人都知利華攻力強,打法又進取,好多時贏波都係一早入你幾球先,贏波方程式可謂有可尋,相信今季亦一樣,「讓球」勝唔好錯過。


【元老级足球专家、篮球专家重心推介】