首页 > 技巧 > 竞技彩技巧

漢堡多蒙特熱W幫到手

2012-12-25 13:02:45

○五至○六年德甲聯賽開鑼在即,《東方波經》當然做足功課,搶先為大家提供好路之選。馬會玩法千變萬化,要贏錢一定要玩得其法,今日首先帶來主客和熱W、冷W,以及讓球主客和、半全場推介,務求從不同方向入手,

新球季贏大錢!     
 
德甲聯賽一向由拜仁獨大,年年都係擂台躉,無論主場同作客贏波率都極高。不過,因為拜仁實力太強,齋W賠率極為乏味,根本就冇肉食,一個唔好彩贏唔到,就喊都無謂。反而一實力「藍籌股」,好似漢堡同多蒙特更值得留意。  

漢堡主場勁有決心   
 
漢堡去季打出超水準,全季取得十六場勝仗,比得上雲達不來梅同利華古遜等勁旅。睇番漢堡陣容,人腳實在唔曳,後防有雲拜頓頂住,中場有馬達維基亞、域奇壓陣,前面又有高原直泰衝鋒陷陣。漢堡今季銳意更上一層樓,目前已簽入荷蘭天才中場雲達華治,以及上季力熱刺喀麥隆後防艾杜巴,人腳更為完整。漢堡主場一向強勁,而球會又有決心,今季贏波次數應會更多。  

多蒙特添殺手畢奇利   
 
今季多蒙特雖然放走多名主力,包括艾華頓及歷卡斯贊臣,但購入畢奇利呢位殺手,此子去季在比勒費爾德打出名堂,攻入十五個聯賽入球,佢同「捷克孖寶」真高拿及路斯基,可組成令敵聞風喪膽攻擊鐵三角。 漢堡同多蒙特雖然唔係頂級勁旅,但今季實力有增無減,贏波率應會繼續高企;而佢齋W賠率絕對會比拜仁、史浩克等勁旅為高,吼實呢兩隊,熱W肯定幫到手!


【元老级足球专家、篮球专家重心推介】