首页 > 技巧 > 竞技彩技巧

有鬥志唔一定會贏

2012-12-25 13:02:56

雖然成日話護級球隊季尾賽事一定搏盡,不過睇番近年意甲煞科日戰果,護級球隊唔一定可以最後一輪賽事贏波,球隊能夠成功留班,或多或少跟其他對手表現更差有關,大家本周落注前應小心選擇,不宜過分盲目追捧護級隊伍。 

上季僅佩魯賈贏波 
 
上季安玻里、摩德納及佩魯賈爭逐最後一個降班附加賽參賽資格,未踢最後一輪賽事前,安玻里及摩德納形勢較佳,不過去到煞科日比賽,三隊之中只有佩魯賈一隊能夠順利贏波,安玻里及摩德納分別不敵國際米蘭及拉素,最後就連排尾四的佩魯賈亦在附加賽不敵乙組的費倫天拿,需要降落乙組作賽,所以單睇戰意並不足以論成敗。

當然近年亦有唔少球隊能夠破釜沉舟,在煞科戰贏波逃出生天,○二至○三年球季,里賈納於最後一仗作客擊敗博洛尼亞,追至跟阿特蘭大、摩德納及安玻里同分,最後里賈納於附加賽中擊敗阿特蘭大順利護級。再對上一季,布雷西亞、皮亞琴察更在煞科戰以三比○清脆贏波,壓倒同日輸波的維羅納成功護級。


【元老级足球专家、篮球专家重心推介】