首页 > 技巧 > 竞技彩技巧

日本職業聯賽興刮「大」風

2012-12-25 13:04:23

日本職業聯賽近年勁刮「大」風,以上屆為例,平均每場比賽有3.08個入球,比率同歐洲出晒名主攻荷甲聯賽差唔多。由於入球數目高,上屆日職開「大」率達六成半,絕對適合大細玩家作長線投資之用。 

勝利船飛腳開大孖寶  
 
日職一向予人較易捉路印象,除球會表現穩定,對賽成績極具參考性外,另外一個原因就係大細盤路亦相當明顯。好似上屆次階段神戶勝利船及大阪飛腳,開大率竟然高達百分之八十七,呢兩支開大「孖寶」上屆令唔少捧場客滿載而歸呢!

日職同歐美聯賽比較,入球數目偏多,歐洲四大聯賽中,以德甲入球最多,平均每場攻入2.9球,不過同日職相比,仍然差一大截。入球率最接近日職係荷蘭甲組聯賽,每場平均入3.02球,反映日職球隊主攻風格。

不過,日職經常開「大」,同兩階段賽制有關。一支球隊首階段可以谷到最盡,次階段則可以大安旨意踢風流波,如此心態自然谷高入球及失球數字,但隨住今季日職改為單球季賽制,球會戰術可能因此改變,對大細盤路影響仍有待觀察。


【元老级足球专家、篮球专家重心推介】