首页 > 名报 > 市民日报

雙紅會小敲半和全勝

2020-01-19 16:35:19

  今晚英超上演轟動的雙紅會,利物浦於晏菲路迎戰死敵曼聯。仇人對決,緊張但並不好賭,紅軍讓至一球走盤居多,倒不如退而求其次,揀有點賠率的利物浦半和全勝(和主)。

  曼聯走勢跌跌碰碰,今仗更有大勇的親生仔射手拉舒福特上陣成疑。不過,白頭沈從來不會低估紅魔鬼面對紅軍時的決心。一來紅軍今季20勝1和戰績無敵,唯一分失正正是被擋於曼聯腳下。二來就算當紅魔鬼衰到降班,但一旦碰上利物浦,球員必抱著打甩門牙帶血吞的心態出戰。

  紅魔前領隊費格遜及名宿朗尼過去就曾多次指出,世界上眾多球會之中他們最憎就是利物浦,最唔想就係睇到紅軍成功。這一代的魔兵當然亦繼承了這股怨念,畢竟領隊蘇斯克查自己都經歷過雙紅對峙的年代,點會畀利物浦好過。

  此所以白頭沈也認為今仗是利物浦最終能否圓夢首奪英超錦標的最大關鍵戰役,因為新仇舊恨糾纏下,幾可預期必會踢至飛沙劈石,唯望雙方球員沉得住氣,不要讓對手無辜受傷。如果紅軍不幸有主將被踢傷,恐成今季英超轉捩點。

  主場的利物浦傷兵已好得七七八八,久休的法賓奴及祖爾麥迪比都可以候命上陣。以波論波,相信大家都會同意今季舉世沒有幾多支球隊好過利物浦,今仗勝望的確較高,但在雙紅會的大前提下,恐比賽多生變數,故建議小敲半和全勝。


【元老级足球专家、篮球专家重心推介】