首页 > 名报 > 太阳报

蘇格蘭新丁孭飛大騷哥利

2019-03-21 10:07:52

歐國盃外圍賽I組首輪賽事,蘇格蘭作客鬥哈薩克。蘇格蘭在老帥麥利殊領軍下於早前歐國聯表現突出,不過哈薩克近年成績亦有顯著進步,主場出擊未必處下風,波童建議轉敲中位數2.5球大盤最穩陣。

(有線603及604台周四晚11時直播)

自從蘇格蘭去年重召麥利殊執教,球隊喺上年尾嘅歐國聯重振雄風,喺C1分組賽4戰3勝排榜首,取得升班資格兼歐國聯附加賽席位,大大增強球員比賽信心,不過麥利殊今次大軍名單入面,有多達20名球員代表國家隊次數只得個位數,經驗相對輸蝕,客場出戰絕對可勝不穩。

哈薩克戰鬥力提升
哈薩克喺歐國聯D1組雖然未能升班,但6戰僅負2場,絕非無還擊之力。哈薩克現時主要以國內聯賽勁旅艾斯坦拿球員做骨幹,呢支歐洲賽常客近年已經累積唔少大賽經驗,上屆歐聯就曾經喺附加賽主場贏過蘇超班霸些路迪4比3,不妨作為今仗參考指標。既然蘇格蘭近4場國際賽共入9球、失7球,3次總入球達3球或以上,今場轉捧大盤較划算。