首页 > 名报 > 太阳报

聖達菲聯箭頭着火大爆發

2019-03-20 10:27:20

周四早上南球盃第1圈首回合,阿根廷球隊聖達菲聯將會主場硬撼厄瓜多爾「3哥」迪華利獨立隊。聖達菲聯近期走勢回勇,尤其一班前鋒有貨交,今場主場出擊有力同對手鬥攻,2.5倍入球大抵玩。(周四早上8時30分開賽)

聖達菲聯近5仗聯賽取3勝1和,只係輸過畀老牌勁旅小保加,表現相當爭氣,現時球隊暫踞聯賽榜第7位,隨住聯賽進入尾聲,佢哋基本可以鎖定下季南球盃席位。聖達菲聯隊中一班攻擊手近排狀態火熱,頻頻入波搶分,其中小將杜恩斯基上仗梅開二度,帶領球隊3比0擊敗拉魯斯,加上早前受傷嘅「10號仔」麥斯古達已經傷愈可以隨時候命,前場攻力有望進一步加強。聖達菲聯近6仗全開3球或以上,進攻夠銳利,今仗首次喺主場球迷面前出戰南美級別賽事,一班球員唔想失威肯定落多幾成力。

迪華利獨立隊有本錢入波
厄瓜多爾代表迪華利獨立隊今季聯賽首戰落敗,但之後強勢反彈,近5仗取4勝1和,表現上晒力。2016年曾經一度殺入自由盃決賽嘅獨立隊,之後幾年雖然喺南美賽事都鮮有突出成績,不過論經驗肯定比首次踢南球盃嘅聖達菲聯更勝一籌,所以迪華利獨立隊今場作客要入波難度不大,估計今仗有機會合演對攻戰,入球大捧得過。