首页 > 名报 > 太阳报

FC北京托弗贏多鋪

2020-11-24 10:45:52
墨爾本勝利久休冇狀態
亞冠盃分組賽今晚續於中立場卡塔爾上演,E組重頭戲中超代表FC北京火併澳職球隊墨爾本勝利;FC北京上周六晚於復賽後首戰2比1擊敗FC首爾,狀態有保證,相反墨爾本勝利已超過3個月冇正式比賽,加上近5次於亞冠盃鬥中超球隊僅獲1勝1和3負,今場FC北京讓一球/球半,上盤有買趁早。

(Now 671、有線652及612台周二晚6時直播)

FC北京於剛結束嘅中超球季以第3名過終點,表現唔失禮,雖然聯賽首席射手巴卡保避戰亞冠盃,不過仲有巴西入藉兵阿倫杜格拉斯、費蘭度盧卡斯、連拿度奧古士圖及西班牙中場莊拿芬韋拉壓陣,組成「4鬼拍門」,復賽後首場分組賽便憑着前兩者各建1功,以2比1擊敗韓職球隊FC首爾,暫以2戰2勝得6分排E組榜首,出線形勢大好,有助增強球員比賽信心。

由於澳職早喺8月已煞科,今次前往卡塔爾參戰嘅澳職球隊明顯缺乏比賽狀態,F組珀斯光輝及H組FC悉尼俱在復賽後首戰輸波,勝利上季澳職常規賽成績比兩者更差,相信情況唔會例外。勝利對上兩次出戰亞冠盃分組賽都出唔到線,加上近5次鬥中超球隊亦只得1勝1和3負,面對力爭連捷嘅FC北京恐怕凶多吉少。

珀斯光輝難頂蔚山現代
另一場都係集中反澳職球隊,珀斯光輝尾場鬥蔚山現代;光輝上場1比2不敵FC上海,久疏戰陣入局慢;相反蔚山對住FC上海憑尹比加林攻入1粒以3比1輕取對手,今場有力再下一城,蔚山讓一球/球半照捧上盤。

(Now 671、有線652及612台周二晚9時直播)

【元老级足球专家、篮球专家重心推介】