首页 > 名报 > 太阳报

曼城半場夠爆廠

2020-03-11 11:30:36

師徒對決阿迪達等學嘢
英超今晚補賽上演曼城主場鬥阿仙奴。「兵工廠」領隊阿迪達上年12月上任前,曾擔任曼城主帥哥迪奧拿副手超過2年,今仗稱得上「師徒對決」。曼城實力高之餘,強大兵力亦有利頻密賽程下發揮,相信可先發制人,半場主勝值博。

(Now 611及621周四凌晨3時30分直播)

阿迪達執教阿仙奴後表現唔曳,戰術上亦帶有「師傅」哥迪奧拿嘅影子,不過論領軍功力同經驗始終差啲,加上阿仙奴本身兵力輸蝕,賽前更有中場盧卡斯托拉拿提早收咧,喺兵源緊拙下,一眾主力1周2賽都要頂硬上,上場主場對韋斯咸,亦要到尾段靠一個帶有幸運成分嘅入波奠勝,球員體力問題浮現,要執行阿迪達嘅高度緊逼踢法,相當困難。

迪布尼復出如虎添翼
曼城衞冕英超基本上無望,上場打吡戰輸畀曼聯更惹來唔少批評,返主場自然要吐烏氣。況且佢哋兵力強大,德國翼鋒利萊辛尼已傷愈候命,上場缺陣嘅奇雲迪布尼亦可復出,可謂如虎添翼。再者曼城主場向來剋住阿仙奴,近6次交鋒均能成功「爆廠」,而且全部都係半場就領先,阿仙奴近期入局慢集中力不足,既然主勝冇乜肉食,轉吼更好分頭嘅半場主勝。


【元老级足球专家、篮球专家重心推介】