首页 > 名报 > 太阳报

利物浦主W體定食

2020-03-11 11:28:33

晏菲路威力沒法擋
今晚歐聯16強次回合重頭戲,上屆盟主利物浦返主場再鬥馬德里體育會。雖然首回合先輸1粒,但利物浦嘅「晏菲路威力」依然堅勁,啱啱先打破聯賽主場連勝紀錄,挾近11場歐聯主場出擊贏9場之勢,馬體會實在好難頂得住,主勝有買趁早。

(myTV Gold 303、Now 643、有線656及616台周四凌晨4時直播)

利物浦各項賽事近5場3度落敗,包括於歐聯16強首回合作客以0比1輸畀馬體會,不過早早發現問題絕非壞事,上仗聯賽以2比1擊敗般尼茅夫,唔單止距離首捧英超冠軍又邁進一步,而且更締造聯賽主場22連勝,打破英格蘭頂級聯賽最長連勝紀錄,可見「晏菲路威力」唔講得笑。

歐聯主場近11戰9勝
除咗聯賽之外,「晏菲路威力」喺歐洲賽一樣咁堅,利物浦近11次歐聯主場出擊,豪取9勝2和未輸過,包括上屆4強次回合大勝另一支西甲勁旅巴塞隆拿4比0,兩回合計得以反勝4比3進身決賽,可見其主場氣勢可震懾客軍。雖有門神艾利臣比加因傷倦勤,好彩首回合受傷嘅隊長佐敦軒達臣已經復操,有機會復出,確可穩定軍心。

馬體會作客易被反先
馬體會雖於首回合贏波,但整場形勢及控球率均處下風,反映出主帥施蒙尼重守輕攻,甚至不惜龜縮犧牲進攻,當然亦與祖奧菲歷斯、艾華路莫拉達狀態麻麻有關。不過施帥嘅戰術過於保守常付出代價,日前又喺領先下被西維爾逼和2比2,而且上屆16強首回合領先2球下,卻喺次回合作客慘吞祖雲達斯3蛋出局,絕對係久守必失嘅最佳例子。加上馬體會近6場歐聯作客只得1勝1和4負,紅軍可藉主場氣勢反勝晉級,主勝有計。


【元老级足球专家、篮球专家重心推介】