首页 > 名报 > 太阳报

RB萊比錫決心唔使懷疑

2020-03-10 10:58:33

歐聯今、明兩晚上演4場16強次回合,今晚兩仗出線形勢較明朗,先講RB萊比錫主場鬥熱刺,RB萊比錫上場聯賽作客禾夫斯堡,大部分時間收起首席射手迪姆華拿,證明佢哋已將目標放喺歐聯,殺入8強決心唔使懷疑。熱刺缺少哈利卡尼及孫興民火力驟減,作客要收復失地唔易,有主場之利兼領先1球嘅萊比錫,進身8強機會相當高。

明晚兩場勢均力敵夠刺激
至於阿特蘭大晉級機會唔可以用「相當高」,要用「極之高」3個字嚟形容,其實佢哋今季喺意甲表現已經唔係善男信女,首回合4比1大勝實力唔算頂班嘅華倫西亞,夠晒說服力。不過由於優勢太明顯,無論今場贏、和、甚至輸2球都可以出線,對投注者嚟講係大忌,所以建議大家今場忍吓手,將焦點放喺明晚兩場比賽仲好。聽晚利物浦對馬德里體育會、巴黎聖日耳門對多蒙特都係勢均力敵之戰,邊隊晉級仲係未知數,如果係呢4支球隊嘅球迷,不妨押注落喺愛隊身上,然後睇住球隊贏波晉級兼有錢贏,咁就最開心喇!
 


【元老级足球专家、篮球专家重心推介】