首页 > 名报 > 太阳报

李城半場和有數維

2020-03-09 12:00:38

華迪缺陣攻力打折扣
周二凌晨有場英超獨腳戲,李斯特城主場鬥阿士東維拉;維拉聯賽連盃賽4連敗,狀態、信心陷低谷,李城早前喺英聯盃4強被維拉踢出局,返聯賽當然希望成功復仇,不過首席射手占美華迪有傷在身,而且球隊對上7場比賽從未試過淨勝對手2球或以上,讓一球、球半太多,波童建議揀半場和。

(Now 621周二凌晨4時直播)

今場對賽雙方近況都唔算好,李斯特城連續4場聯賽未贏過,上周中英足盃16強主場對英冠仔伯明翰都只能小勝1比0,前鋒占美華迪因傷上場缺陣,今場亦未知能否趕及復出,對李城攻力肯定造成一定影響。維拉早前喺英聯盃4強曾經淘汰李城出局,不過之後3場聯賽全部輸晒,依家聯賽榜排尾2,落後尾4嘅屈福特2分,加埋上周末喺英聯盃決賽輸畀曼城1比2,維拉已經連輸4場,以呢個狀態作客王權球場想搶分亦唔易。

維拉謹慎作客縮住踢
睇牌面,今場可以秤先主場出擊嘅李城少少,不過主W僅得1.34倍冇肉食,讓球盤要淨勝兩球先開上盤亦唔划算,倒不如轉捧半場和,事關李城已經連續5場上半場與對手踢成0比0,既然占美華迪有可能避戰,李城好難喺初段搶得先機;維拉對上4場輸波都係半場已落後,今次作客相信會踢得更謹慎,半場和有2.55倍值得一試。


【元老级足球专家、篮球专家重心推介】