首页 > 名报 > 太阳报

紅魔下盤再下一城

2020-03-08 12:44:12

曼市打吡
今晚英超爆發曼市打吡戰,曼聯自冬季轉會窗收購波基斯費南迪斯後,成隊波脫胎換骨,無論狀態同士氣都升至全季最高位,反觀曼城連踢兩場盃賽,加上心繫歐聯,決心不及「紅魔鬼」。曼聯主場受讓半一可再下一城,樂比捧下盤!

(Now 621及611周一凌晨零時30分直播)

波基斯費南迪斯只為曼聯披甲7場,但已被譽為近年最佳收購,因為佢係曼聯近年一直欠缺嘅中場大腦人物,喺佢嘅穿針引線下,成功激活咗其他隊友,每個球員落場都有明顯進步,尤其喺佢推前半格踢進攻中場後,曼聯嘅進攻威力更大,唔會再好似以前咁老鼠拉龜,難怪所有曼聯球迷都話可以忘記普巴。

波基斯費南迪斯嘅另一貢獻,係令到費特洛迪古斯、尼曼查馬迪可以更專注防守,間接令曼聯嘅防守力提升。費南迪斯上陣嘅7場比賽中,有5場曼聯係保持清白之身,成隊波攻守都平衡咗,曼聯依家已保持9場不敗,係全季狀態最好嘅時候,呢個時候硬撼曼城絕對係好時機!

格食格今季兩勝曼城
事實上,曼聯嘅快速反擊踢法對強隊係有優勢,除今季兩勝曼城、三勝車路士外,喺如日方中嘅利物浦身上亦取得1分,反觀曼城作客強隊表現麻麻,先後輸過畀熱刺、狼隊及利物浦,睇嚟真係似格食格。

未計周六晚比賽,曼城聯賽落後榜首利物浦22分,領先第3嘅李斯特城則有7分,爭標機會近乎冇,第二位置又穩如泰山,今季聯賽對佢哋嚟講意義已唔大,佢哋喺上周末聯賽盃決賽以2比1險勝維拉捧盃,周中足總盃對英冠嘅錫周三都係小勝1比0,呢兩場盃賽都消耗咗唔少體力,今場係佢哋連續第5仗非主場賽事,未必保持到最佳水準,加上中場大將奇雲迪布尼有傷上陣成疑,「藍月亮」今場確存在唔少隱憂。


【元老级足球专家、篮球专家重心推介】