首页 > 名报 > 太阳报

巴塞求反彈主場速剃蘇

2020-03-07 11:59:51

西甲「2哥」巴塞隆拿主場迎戰「6哥」皇家蘇斯達。皇蘇狀態唔曳,但作客麻麻,近2場聯賽客戰更全敗,加上剛戰罷西盃未回氣,造訪於國家打吡輸波、急欲反彈嘅巴塞,隨時上半場都頂唔住,半場主勝有計。

(Now 632及611周日凌晨1時30分直播)

皇蘇搏完西盃腳軟
皇蘇目前喺聯賽只差「4哥」基達菲2分,有機會爭取下屆歐聯入場券,雖然各項賽事6連勝,但作客表現一般,今季聯賽作客已先後輸畀西維爾、皇馬及畢爾包等勁旅,近2場聯賽客戰更不敵雷加利斯及貝迪斯。而且皇蘇啱啱周中多踢1場西盃,順利擊敗米蘭迪斯進身決賽,不過體力消耗較大,未有咁快回到氣。

巴塞於上輪國家打吡輸畀皇馬,仲將榜首位置拱手讓人,為博反彈今仗必搶韁。佢哋主場威力驚人,今季聯賽13戰豪取12勝1和、合共轟入44粒,火力冠絕西甲,上次主場出擊對伊巴,球王美斯更食出大四喜,未受蘇亞雷斯及奧士文尼迪比利養傷影響。單計近4場主場,巴塞皆能火速奠定勝局,合共入9球零失球,4場全開半場主勝,主場氣勢等閒球隊難以招架,半場主勝有買趁早。


【元老级足球专家、篮球专家重心推介】