首页 > 名报 > 太阳报

般尼勢旺唔赦當黑熱刺

2020-03-07 11:58:36

今晚英超尾場熱刺作客般尼。熱刺頭頭碰着黑,傷兵浪接浪,搞到成績插水,連「寸王」摩連奴都冇乜符;般尼近6仗聯賽不敗,平手盤坐和望贏。

(Now 621周日凌晨1時30分直播)

熱刺或留力歐聯翻盤戰
熱刺行衰運,射手哈利卡尼同孫興民受傷長抖,新兵貝雲積表現雖唔曳,但始終唔係正宗前鋒,難及前兩者咁高效,後衞維頓漢、艾歷迪亞亦走晒樣,攻守失衡問題嚴重,連同日前英足盃互射12碼畀諾域治踢出局,16年來首度錄得4連敗,士氣低落。

近日有傳主帥摩連奴密會高層,認為以熱刺現有人腳,難以兼顧聯賽同歐聯,必須作出取捨,打算畀日前對諾域治嘅大部分主力今仗休息,為下周中歐聯16強次回合對RB萊比錫翻盤做準備,今仗更難望反彈。

主場嘅般尼狀態唔錯,近6場聯賽取得4勝2和,包括擊敗曼聯同李斯特城,同打和阿仙奴。基斯活特、艾殊利韋斯活特輪流有貨交,唔講得笑,甚有機會衝擊前列踢歐洲賽。寧買當頭起,斯維唔會拗頸,必捧當旺般尼。


【元老级足球专家、篮球专家重心推介】