首页 > 名报 > 太阳报

阿仙奴爭前4全力爆「錘」

2020-03-07 11:57:00

今晚「倫敦打吡」阿仙奴主場鬥韋斯咸,「兵工廠」踏入2020年聯賽未輸過,仲有機會殺上前4,主場出擊當然不容有失,佢哋近4場聯賽主場獲3勝1和;「錘仔幫」作客極曳,近5作客輸晒,一於熱捧主W。

(Now 621周六晚11時直播)

阿仙奴自阿迪達接手後,球員已逐漸適應佢嘅陣式同戰術,今年7場聯賽獲3勝4和,可惜之前歐霸大意出局,想踢來屆歐聯唯一途徑就係打入聯賽前4(未計曼城被罰事件)。佢哋現時落後第4位車路士8分,但就少踢1場,仍有機會後來趕上。

奧巴美揚主場腳風順
阿仙奴陣中最有把握力自然係奧巴美揚,呢位加蓬射手主場出擊腳風特別順,近兩仗交出3球,現時以17球同李斯特城嘅占美華迪並列射手榜首位,喺其他隊友配合下,要喺後防甩漏多多嘅韋斯咸身上取得入球,並非難事。

韋斯咸向來畀阿仙奴剋住,近4次作客酋長球場全部輸波,「錘仔幫」近況同運氣都差,連同今仗在內,聯賽接連作客前列強隊,包括利物浦、曼城同李斯特城,導致近5場聯賽作客全敗。阿仙奴3分志在必得,強捧主勝。


【元老级足球专家、篮球专家重心推介】