首页 > 名报 > 太阳报

紅軍求反彈搶嗒私房菜

2020-03-07 11:56:30

沙拿遇般茅特別生猛
利物浦今晚早場主場出擊,迎戰身陷護級漩渦嘅般尼茅夫。「紅軍」上周聯賽倒灶輸畀屈福特,吞下今季聯賽首敗,返晏菲路勢博反彈,球隊喺英足盃半力出擊,穆罕默德沙拿抖足而臨,佢近5次鬥般尼茅夫入7球,反觀客軍王牌哈利威爾遜因借用條例唔出得,「紅軍」誓大炒一場壯行色迎下周歐聯,辣讓球半/兩球照捧上盤!

(Now 621及611周六晚8時30分直播)

利物浦上周作客爆冷吞屈福特3蛋,聯賽不敗紀錄告終,18連勝氣勢亦被打斷。不過輸波對佢哋奪標冇太大影響,相反更有紓緩壓力嘅作用。「紅軍」今季目標明確,最大目標首奪聯賽,其次就盡力衞冕歐聯,所以周中英足盃16強對車路士,就用上唔少副選同青年軍,雖然最終輸波出局,但穆罕默德沙拿同羅拔圖法明奴等主力,喺最後比賽時間先出嚟輕舒步頭,為今場熱身。沙拿過去5次對般尼茅夫都能夠取得士哥,合共7次射破「般茅」大門,助「紅軍」近5次對般尼茅夫,都能以3球或以上優勢取勝。

利物浦新敗唔會再大意
般尼茅夫對傳統Big 6一向大無畏,即使輸波都好,好多時都能取得入球,今季就贏過曼聯及車路士。不過「般茅」今場有麻煩,因為為球隊射入7球嘅哈利威爾遜,因借用條例未能倒戈,冇咗呢位罰球王,「般茅」進攻又少一瓣。最重要係,般尼茅夫對上5次面對「紅軍」,全部未能取得入球,合共失咗17球,加上利物浦新敗後必定不敢掉以輕心,隨時嚟場大屠殺振奮士氣,讓到球半/兩球,上盤都值捧場。


【元老级足球专家、篮球专家重心推介】