首页 > 名报 > 太阳报

成季流流長總會有低潮

2020-03-07 11:54:21

今季一直順風順水嘅利物浦,近期接連遭受挫折,近4仗3度落敗,先喺歐聯16強首回合作客0比1不敵馬體會,再於上周喺聯賽爆大冷吞屈福特3蛋,全季不敗夢碎,跟住周中英足盃又畀車路士淘汰,未能重現曼聯喺1999年締造3冠王嘅盛勢。

到底「紅軍」係咪處於危機呢?但話得說回來,佢哋上年連奪歐聯、歐超盃及世冠盃,現時喺聯賽領先次席曼城22分,首捧英超指日可待,更造出跨季聯賽44場不敗驕人成績,試問除咗阿仙奴(49場),仲有邊隊做到?一個球季流流長,總會遇上低潮,關鍵在於低潮期是長是短。猶記得2003-04年度阿仙奴雖全季不敗,但亦試過1周內先後喺英足盃及歐聯出局,依家就要睇吓「紅軍」主帥高普點樣領軍捱過難關。

再鬥馬體會至係戲肉
當然高普亦識分輕重,既然聯賽不敗金身被破,今晚英超頭場迎戰般尼茅夫嘅重要性,明顯降低。相信嚟緊下周中歐聯16強次回合主場再鬥馬體會,先至見真章。我覺得利物浦今晚未必全力一擊博反彈,不宜高估,博彩者敬請留意。


【元老级足球专家、篮球专家重心推介】