首页 > 名报 > 太阳报

法蘭克福當弗炸散不來梅

2020-03-04 11:23:44

今晚續有兩場德國盃8強戰上演,壓軸戲法蘭克福主場迎戰雲達不來梅,不來梅近期喺德甲連戰皆北,護級形勢岌岌可危,德國盃已經成為奢侈品,唔會有心思阻法蘭克福晉級,法蘭克福讓半一唔算多,黑柴撐上盤。

(香港開電視77台、有線661、601、662及602台周四凌晨3時45分直播)

不來梅要護級唔會搏
今戰兩軍原定於剛周日聯賽交手,但基於法蘭克福歐霸作客薩爾斯堡的比賽押後至上周六凌晨至踢,德國足總決定將該場聯賽改期,變相畀到法蘭克福充裕休息同備戰時間。法蘭克福對盃賽特別重視,上屆歐霸殺入4強已成佳話,今屆亦剛淘汰薩爾斯堡打入16強,另外德盃上輪以3比1爆冷踢走原本狀態火熱的RB萊比錫,表現充滿信服力。球隊近期狀態最火熱嘅係AC米蘭借將中鋒安達施華,上輪聯賽對柏林聯先開紀錄,跟住歐霸盃梅開二度做晉級功臣,難怪球會經理波碧都話,佢嘅實力絕對唔會喺季前以4,000萬歐元轉會韋斯咸嘅施巴斯坦賀拿之下。

相反雲達不來梅上圈只因多蒙特防線頻送禮至僥倖主場贏3比2,但近5輪德甲全敗,合共只入過1球,排聯賽榜尾2,落後附加賽區尾3嘅杜塞爾多夫4分,更落後尾4安全區嘅緬恩斯8分之多,唔想降班嚟緊每場聯賽都要當決賽踢,3日後德甲作客哈化柏林已經不容有失,今場無論比較實力、近況同戰意,不來梅都睇低一線。


【元老级足球专家、篮球专家重心推介】