首页 > 名报 > 太阳报

AC缺伊巴祖記熱W啱食

2020-03-04 11:23:18

今晚有意大利盃4強次回合,祖雲達斯返主場再鬥AC米蘭。首回合各一言和,祖記日前聯賽突然改期,反而獲得休息機會,絕對有利無害,AC今場有王牌伊巴謙莫域在內幾名主力停賽,影響甚大,加上近年畀祖記食住,今仗凶多吉少,主勝穩開。

(周四凌晨3時45分開賽)

近10次碰頭「斑馬」奪9勝
祖記喺首回合略處下風,直至末段靠C朗射入具爭議性嘅12碼,先至逼和對手1比1,擺明有運。事實上,祖記近期於3線作戰下,狀態明顯有啲跌Watt,其中早前於歐聯16強首回合敗走里昂,令人大跌眼鏡。不過上周末因新冠肺炎疫情關係,祖記對國米嘅「打吡戰」得以延期,難得有得喘息,對於老將偏多嘅祖記嚟講,絕非壞事。

AC喺首回合未能贏波都幾唔抵,而後衞迪奧靴南迪斯於下半場領紅牌被逐,成為末段受壓、未能保住勝局嘅主因,中場森姆卡斯迪利祖及箭頭伊巴謙莫域因累積黃牌夠數,3人齊齊於今場坐波監。尤其係冇咗伊巴影響最大,因為同上半季踢到盲頭烏蠅相比,AC於下半季獲得伊巴加盟後,主帥皮奧利終於有個前場核心,呢位瑞典老將仲激活埋列比錫及查漢奴古,前者更士哥不斷,可惜伊巴今仗停賽,嚴重打擊進攻組織。加上兩軍近10次碰頭,祖記取得9勝1和未輸過,明顯格食格喇,可藉地利贏波殺入決賽,1.43倍主勝熱得有理。


【元老级足球专家、篮球专家重心推介】