首页 > 名报 > 太阳报

曼城衝8強大晒

2020-03-04 11:16:32

出副選照劈錫
力爭「盃賽三冠王」嘅曼城,乘住捧走英聯盃冠軍嘅強勢,周中英格蘭足總盃16強作客英冠球隊錫周三。「藍月亮」英足盃雖然會起用半隊主力上陣,但球隊後備力量充足,副選上陣都要力爭表現,反而造就曼城過去多場英足盃賽事均為入球騷,錫周三未夠班頂住曼城來襲,捧3.5球入球大。

(周四凌晨3時45分開賽)

曼城啱啱喺周日以2比1擊敗阿士東維拉,先下一城,英聯盃成功衞冕,捧起今季首個錦標,攞咗隻「保溫盃」之後,乘勇再喺本土盃賽出擊,相信領隊哥迪奧拿會作出部分輪換,上場奪冠陣容入面嘅阿古路、史達寧、史東斯等將會被收起。

「藍月亮」勝在擁有足夠板櫈深度,上圈英足盃淘汰富咸,就起用加比爾捷西斯、馬列斯、根度簡等,2名「千禧球員」英格蘭中場菲爾科頓及西班牙後衞艾利加西亞亦有上乘表現,今場將會繼續正選上陣。事實上,曼城邊緣球員喺盃賽對住低組別球隊,實力仍比對手高一班,加上為了爭取表現,好多時都會比常規正選更落力。

錫周三近7主場輸5次
錫周三現時喺英冠排12位,實力當然同曼城相差甚遠,惟有希望靠狀態及主場之利力抗來襲,可惜佢哋近8仗只贏過1場,近7次主場出擊亦輸5場,包括啱啱周末被打比郡大炒3比1,似乎難有爆冷機會,既然曼城近8場英足盃有7場總入球4球或以上,今場3.5球入球大放心買。


【元老级足球专家、篮球专家重心推介】