首页 > 名报 > 太阳报

艾薩德讓主堅抵捧

2019-12-11 11:01:20

沙維帶兵東道主搶頭彩
周四凌晨世冠盃在卡塔爾多哈拉開戰幔,東道主艾薩德同大洋洲代表希安堅體育會上演資格賽對決。由西班牙名宿沙維執教嘅艾薩德,陣中有前馬體會隊長基比助拳,實力不容忽視,況且東道主不嬲喺世冠盃都有唔錯表現,呢場艾薩德有望藉地利,大炒名不見經傳嘅希安堅體育會,讓兩球照捧讓球主勝。

(周四凌晨1時30分開賽)

喺巴塞隆拿多年嚟贏盡各大獎盃同榮耀嘅沙維,離開西班牙之後近年喺卡塔爾綻放餘暉,上季以球員身份帶領當地勁旅艾薩德喺聯賽封王嗰陣,已經係「半踢半教」嘅狀態。呢位職業生涯經歷豐富嘅昔日巴塞中場大腦,球員時代踢波靠食腦填補身形上嘅不足,今季佢正式轉換角色執起球隊教鞭,相信一班艾薩德球員有佢教路必定獲益良多。陣中有前馬體會隊長基比,同曾經喺歐洲揾食嘅卡塔爾國腳阿菲夫出任攻擊手,艾薩德整體實力有保證。

希安堅體育會經驗輸蝕
東道主代表過去出戰世冠盃資格賽不嬲強勢,近4屆資格賽東道主球隊法定時間內取得3勝1和,其中同嚟自大洋洲嘅對手實力不濟都有關係。呢次新喀里多尼亞球隊希安堅體育會以大洋洲冠軍身份參戰,經驗同實力都肯定輸條街,呢場難逃大敗,一於力捧讓球主勝。


【元老级足球专家、篮球专家重心推介】