首页 > 名报 > 太阳报

戴拿模搶次名狙擊頹勢藍月

2019-12-11 10:52:17

C組除曼城鎖定首名外,薩克達、薩格勒布戴拿模同阿特蘭大3隊都有機會爭次名。當中薩格勒布戴拿模今晚主場迎戰曼城,主隊想晉級除要贏波外,亦要寄望另一場薩克達同阿特蘭大打和,好彩「藍月亮」近期防線告急,戴拿模有機會完成「不可能任務」,受讓半一下盤值捧。

(myTV Gold 303、Now 643、有線616及656台周四凌晨1時55分直播)

薩格勒布戴拿模賽前以5分排第3,晉級命運唔完全掌握係手,今場唯一目標就係全取3分先再算。查實戴拿模今屆歐聯主場表現唔曳,近5仗歐聯主場取得3勝2和,而且場場都有波入,就算首循環作客吞曼城兩蛋,都係到下半場先失守,唔係冇得打。曼城名氣睇落贏晒,但近期陷入低潮,聯賽連盃賽近4仗贏得1場,兼夾場場有失波,包括上仗「曼市打吡」1比2輸畀曼聯,當面對對手快速反擊,曼城班後防完全無力招架。既然有得畀戴拿模「照抄」贏波方程式,隨時有奇迹出現,下盤抵玩。

薩克達搶韁半場大唔蘭
同時間開波嘅薩克達主場鬥阿特蘭大,以6分暫列小組第2嘅薩克達只要贏波即獲出線資格,薩克達今屆歐聯踢法搶韁,開局頻頻同對手鬥攻,近5場歐聯4次半場開2球或以上。不過仲未絕望嘅阿特蘭大亦非善男信女,喺歐聯漸入佳境,近2場1勝1和擸4分,陣中有路爾斯梅利爾同艾真度高美斯等好手壓陣,有本錢鬥攻,中位數1.5球嘅半場大,屬好路之選。

(Now 644、有線601及661台周四凌晨1時55分直播)


【元老级足球专家、篮球专家重心推介】