首页 > 名报 > 太阳报

目標明確 馬體會打爆火車頭

2019-12-11 10:51:17

馬德里體育今晚會喺D組終極一戰主場對莫斯科火車頭。馬體會現時領先第3位嘅利華古遜1分,今場贏波就毋須理會另一場賽果,肯定以次名資格躋身16強。既然掌握出線主動權,估計今場會踢得進取,佢哋近3次歐洲賽對莫斯科火車頭都贏2球或以上,今場讓到球半/兩球擺明有信心,照捧馬體會上盤。

(Now 630、633及有線603台周四凌晨4時直播)

雖然馬體會近期戰力似有跌Watt,不過當中有好多場係作客賽事,佢哋近8場波有6場作客,搞到成績滑落,猶幸主場仍有一定威力,除咗0比1僅負畀巴塞隆拿外,對上3場主場全部贏晒,近2場更以兩球優勢分別擊敗愛斯賓奴同畢爾包,鋒力有保證。由於馬體會已經一段時間冇迪亞高哥斯達、荷西基文尼斯、史提芬沙域同沙維積高,球隊已經習慣晒,影響不大。

近3對賽全贏兩球或以上
莫斯科火車頭篤定以小組包尾過終點,無論實力及戰意都難予人信心。翻查往績,馬體會過去3次對住火車頭全勝,全部贏兩球或以上,為免夜長夢多,相信馬體會會務求盡快開紀錄,徹底摧毀對手嘅抵抗力,主隊讓球半/兩球,讓到咁辣先至係信心保證。


【元老级足球专家、篮球专家重心推介】