首页 > 名报 > 太阳报

利華大盤趁祖買

2019-12-11 10:50:51

及時回勇絕地博翻身
今晚歐聯分組賽煞科,其中D組焦點戰,利華古遜喺主場硬撼祖雲達斯。為出線背水一戰嘅利華,就算贏波仲要睇另一場馬體會嘅賽果,好在前鋒里安拜尼及艾拿利奧輪流發威,冇得諗咁多必搏盡搶W;祖記已獲首名出線,贏輸都冇所謂隨時鬥攻,但今屆防守麻麻經常有失波,癲鳳鬥狂龍必捧2.5球嘅大盤。

(Now 645、有線661及601台周四凌晨4時直播)

祖記現時有13分穩奪D組首名,而馬體會以1分暫壓利華排次席,換言之利華今場除咗力求3分外,仲要寄望馬體會失分,先可望奇迹出線,難度頗高。不過話說回頭,利華頭3場分組賽輸晒,點知喺近兩輪連贏馬體會同莫斯科火車頭,令出線重現曙光,亦證明佢哋未有放棄,今晚主場出擊必搏老命搶W,希望製造奇迹。

利華近期成績唔曳,連盃賽在內近6仗獲5勝1和,包括聯賽作客2比1擊敗拜仁,而呢場省兩粒嘅前鋒里安拜尼,上仗聯賽亦助攻畀拍檔艾拿利奧建功,連同養精蓄銳嘅箭頭禾蘭,向來進攻大過天嘅主帥保斯手握大把籌碼。不過利華防線欠穩,近7仗只得兩場冇失波。翻查紀錄,利華今屆兩場主場嘅歐聯分組賽共失3球,連同16至17年度嗰屆,利華近4場歐聯主場全開3球或以上,絕對係有前冇後、打死罷就。

祖雲達斯防線鬆散
意甲「2哥」祖雲達斯已提早出線,應會收起C朗等主力,出副選了事,贏面當然更低。不過祖記最大問題嚟自防線,近12仗有9仗未能保持清白之身,包括啱啱聯賽以1比3倒輸畀拉素,今季不敗金身被破。單計今屆5場歐聯分組賽,祖記都失咗4粒,以穩陣見稱嘅「老婦人」嚟講,絕對唔合格。既然勝負無關痛癢,預計祖記防守會更鬆散,但同時副選如希古恩等難得擔正,肯定會博表現,捧2.5球嘅大盤更上算。


【元老级足球专家、篮球专家重心推介】